D1泳賽　女拔小將兩破紀錄超威水

港九區學界D1游泳賽決賽認真夠激，周五(27日)早上已經有多位泳手打破學界紀錄，當中最威水就是於拔萃女書院就讀中二的黃詩婷，這位小將先後於丙組200米及50米自由泳，刷新何南慧及何詩蓓的學界紀錄，成為全場焦點！

黃詩婷早上先出戰女子丙組200米自由泳決賽，最終游出2分06秒92，以近2秒之差，打破由師姐何南慧創下的紀錄；之後她乘勢再於50米自由泳決賽，以26秒79成績觸池，再次贏得金牌之餘，亦僅以0.01秒之差，將何詩蓓7年前的的紀錄推前，一個早上就連破兩項紀錄，難怪她亦感到十分興奮：「我之前已經準備咗好耐，訓練時都好搏命練，希望可以去衝紀錄。今日真係超水準發揮，雖然200米唔係主項，我唔習慣游長途，中途原本想放棄，最後有呢個成績都好驚訝。至於可以破到何詩蓓紀錄，我一直都好渴望好似佢咁，喺大型比賽游到好成績，所以今次對我意義好大，個紀錄咁難破，加上只係破0.01秒，我真係好興奮！」這位以短途自由泳及200個人混合泳為主項的女將，認為突破自己，令她對未來賽事如香港長池游泳錦標賽等都充滿信心。

至於作為女拔師姐的何南慧，就於女子乙組200米自由泳決賽，輕鬆游出2分03秒61，衝破歐鎧淳在2007年做出的2分04秒87，不過由於其丙組紀錄被雖然被黃詩婷打破，令她無法同時擁有3個年齡組別的200自紀錄，她賽後亦坦言自己只得一半開心：「做出的時間未到我個人最佳，而且自己亦想保持3個紀錄，不過別人做到更好的成績，這就是大家的進步吧。」兩人協助女拔於上半日賽事後以293分遙遙領先，以50分之差拋離協恩中學，不過協恩中學在甲組的分數仍比女拔高，有望力阻對方再贏得Grand Slam。　

東網體育同你追實體壇每個精彩時刻！
http://bit.ly/2ecTF2A　

本文來源：http://hk.on.cc/hk/bkn/cnt/sport/20171027/bkn-20171027120734480-1027_00882_001.html

196